David Luiz og Dani Alves hugguðu James í leikslok - myndir

Kólumbíumaðurinn James Rodríguez kemur örugglega til greina sem besti leikmaður HM í Brasilíu þrátt fyrir að hann hafi spilað sinn síðasta leik í átta liða úrslitunum í 1-2 tapi á móti Brasilíu í kvöld.

James Rodríguez skoraði sitt sjötta mark í leiknum og kom alls að átta mörkum Kólumbíu í fimm leikjum sínum á HM í Brasilíu.

James Rodríguez var algjörlega niðurbrotinn í lok leiks enda frábært HM búið hjá honum. Brasilíumennirnir David Luiz og Dani Alves gáfu sér góðan tíma í að reyna að hugga Rodríguez.

David Luiz skoraði frábært mark beint úr aukspyrnu í leiknum og það var hann sem fékk að skipta um treyju við þennan frábæra 22 ára gamla Kólumbíumann. Hér fyrir neðan eru myndir af því þegar David Luiz og Dani Alves hugguðu James Rodríguez.