Mourinho: Rosalega erfitt að kveðja Lampard

José Mourinho, knattspyrnustjóri Chelsea, hefur fulla trú á að FrankLampard, leikmaður lisðins til 13 ára, snú aftur á Stamford Bridge í framtíðinni.

Lampard fékk ekki áframhaldandi samning hjá félaginu og er nú líklega á leið til Bandaríkjanna að spila fyrir hið nýja félag New York City FC þó ekkert sé ákveðið í þeim efnum.

Mourinho ræddi málefni Lampards á HM-ráðstefnu í gær og sagði það hafa verið gríðarlega erfitt að setjast niður með Lampard og tilkynna honum að hann yrði ekki áfram hjá félaginu.

„Þið getið ekki ímyndað ykkur hversu eftir þetta var. En á sama tíma getur maður verið glaður því maður veit að hann mun snúa aftur til Chelsea,“ sagði Mourinho.

„Herra Abramovich, mikilvægasti maðurinn hjá félaginu, vill mjög mikið fá Frank aftur. Ég vil líka fá hann aftur sem og starfsliðið þannig auðvitað snýr hann aftur.“

„Frank getur líka snúið til baka hvenær sem hann vill. Herra Abramovic skildi dyrnar eftir galopnar. Frank getur gert hvað sem hann vill hjá þessu félagi. Hann getur orðið þjálfari hjá Chelsea og aðstoðarmaður minn á sama tíma. Hann ræður algjörlega ferðinni,“ sagði José Mourinho.

Frank Lampard er þessa dagana að undirbúa sig fyrir HM með enska landsliðinu en það mætir Ítalíu í fyrsta leik D-riðils 14. júní í beinni útsendingu á Stöð 2 Sport 2 HD.