Macheda samdi við Cardiff

Ítalinn Federico Macheda er genginn til liðs við Cardiff City sem leikur í ensku B-deildinni á næstu leiktíð.

Macheda kemur frítt til félagsins frá Manchester United en samningur hans rennur út í sumar.

Hann þekkir vel til stjóra Cardiff, Ole Gunnar Solskjær, en þeir störfuðu saman hjá United á sínum tíma.

Macheda hefur verið á mála hjá United síðan 2007 og sló í gegn árið 2009 þegar hann skoraði sigurmarkið í leik gegn Aston Villa.

Meiðslu settu síðar strik í reikninginn og hefur hann undanfarin ár verið á láni hjá félögum víða um Evrópu - Sampdoria, QPR, Stuttgart, Doncaster og Birmingham.

Hann er 22 ára gamall og er þriðji leikmaðurinn sem Cardiff fær í sumar.