Zarate stóðst læknisskoðun hjá West Ham

Mauro Zarate hefur staðist læknisskoðun hjá West Ham samkvæmt fréttastofu Skysports og lítur allt úr fyrir að Argentínumaðurinn skrifi undir samning á næstu dögum.

Zarate staðfesti í vikunni að hann hefði komist að samkomulagi við West Ham um þriggja ára samning. Zarate lék áður fyrr með Birmingham og ætti því ekki að eiga í vandræðum með að aðlagast enska boltanum á ný.

Núverandi eigendur West Ham, David Gold og David Sullivan voru eigendur Birmingham þegar Zarate lék með liðinu. Þeir kröfðust þess að liðið myndi spila skemmtilegri fótbolta á þessu tímabili undir stjórn Sam Allardyce.