Enski boltinn

Wenger upp að hlið Mitchell og Ferguson

Ingvi Þór Sæmundsson skrifar
Arsene Wenger með enska bikarinn sem hann hefur unnið fimm sinnum.
Arsene Wenger með enska bikarinn sem hann hefur unnið fimm sinnum. Vísir/Getty
Í gær lauk níu ára bið Arsenal eftir titli þegar liðið bar sigurorð af Hull City með þremur mörkum gegn tveimur í framlengdum úrslitaleik á Wembley.

Þetta var í fimmta sinn sem Arsenal vinnur ensku bikarkeppnina undir stjórn Arsenes Wenger og í ellefta sinn alls. Wenger hefur nú unnið bikarkeppnina jafn oft og Skotarnir Thomas Mitchell og Sir Alex Ferguson gerðu á sínum tíma.

Landi þeirra, George Ramsay, hefur hins vegar unnið bikarkeppnina oftast allra þjálfara, en hann stýrði Aston Villa til sex bikarmeistaratitla á þeim 42 árum sem hann var við stjórnvölinn hjá liðinu. Ramsay vann einnig sex Englandsmeistaratitla sem stjóri Aston Villa, en aðeins Ferguson hefur unnið fleiri slíka, eða 13 talsins.

Þjálfarar sem hafa oftast unnið ensku bikarkeppnina:

George Ramsay (Aston Villa), 6x: 1887, 1895, 1897, 1905, 1913, 1920

Thomas Mitchell (Blackburn Rovers), 5x: 1884, 1885, 1886, 1890, 1891

Sir Alex Ferguson (Manchester United), 5x: 1990, 1994, 1996, 1999, 2004

Arsene Wenger (Arsenal), 5x: 1998, 2002, 2003, 2005, 2014

John Nicholson (Sheffield United), 4x: 1899, 1902, 1915, 1925

Charles Foweraker (Bolton Wanderers), 3x: 1923, 1926, 1929

Bill Nicholson (Tottenham Hotspur), 3x: 1961, 1962, 1967

Enski boltinn

Tengdar fréttir

Wenger: Þurftum að vinna titil

"Þetta var mikilvægur sigur. Taugarnar voru þandar og það sást alveg frá byrjun, en við komum til baka," sagði Arsene Wenger í viðtali við SkySports eftir að Arsenal hafði tryggt sér bikarmeistaratitilinn með sigri á Hull City í úrslitaleik á Wembley.

Níu ára bið Arsenal á enda | Myndband

Arsenal fagnaði sínum fyrsta stóra titli í níu ár eftir 3-2 sigur á Hull City í framlengdum bikarúrslitaleik á Wembley. Þetta var 11. bikarmeistaratitill Arsenal.

Mest lesið


Fleiri fréttir

Sjá meira


×

Mest lesið