Dzeko og Toure sáu um Crystal Palace

Manchester City vann öruggan 2-0 sigur á Crystal Palace á Selhurst Park í dag, en fyrir leikinn höfðu Tony Pulis og lærisveinar hans unnið fimm leiki í röð.

Bosníumaðurinn Edin Dzeko náði forystunni fyrir gestina með marki á 4. mínútu og Yaya Toure bætti svo við marki tveimur mínútum fyrir leikhlé. Þetta var 19. mark Toure í deildinni í vetur.

Manchester City er nú einu stigi á eftir Chelsea og þremur stigum á eftir toppliði Liverpool. City á hins vegar leik inni og vinni liðið þrjá síðustu leikina sem það á eftir þá stendur það uppi sem Englandsmeistari.

Leikirnir sem Manchester City á eftir:

Everton á útivelli, 3. maí.

Aston Villa á heimavelli, 7. maí.

West Ham á heimavelli, 11. maí.