Sir Alex: Liðin hans Arsene spila fótbolta eins og á að spila hann

Sir Alex Ferguson hrósar Arsene Wenger í nýju viðtali á Sky Sports en Wenger stýrir Arsenal á morgun í þúsundasta sinn í keppni.

Arsene Wenger tók við liði Arsenal í október 1996 og enginn hefur verið lengur með lið í ensku úrvalsdeildinni eftir að Sir Alex Ferguson hætti með Manchester United síðasta vor.

„Ég vil óska Arsene til hamingju með að ná þessum tímamótum. Ég hef náð þessu sjálfur með einu félagi og get því ekki lagt nógu mikla áherslu á það hversu mikla hollustu, sveigjanleika og fórnfýsi þarf til að ná þessu. Hann hefur unnið sér inn mína allra mestu aðdáun," sagði Sir Alex Ferguson, fyrrum knattspyrnustjóri Manchester United, í viðtali við Sky Sports.

„Ég hef alltof notið þess að horfa á liðin hans Arsene spila. Arsenal spilar fótbolta eins og það á að spila hann. Það var líka alltaf krefjandi verkefni að undirbúa sig fyrir leiki á móti Arsenal og ég hef eytt ófáum klukkutímunum í hugsa um hvernig best sé að spila á móti liðunum hans Arsene," sagði Ferguson.

„Kannski er mesta hrósið sem ég get gefið Arsene að ég gat aldrei verið annað en keppinautur erkifjandar míns þessi 17 ár. Heilt yfir sýnir þetta afrek einnig hvað stöðugleiki getur skilað í fótboltanum. Það er enginn vafi á því að hann hefur skapað sína arfleifð hjá félaginu eftir þessa þúsund leiki, sagði Ferguson.