Enski boltinn

Gylfi: Ekkert betra en að skora sigurmark

Eiríkur Stefán Ásgeirsson skrifar
Gylfi skorar hér sigurmarkið.
Gylfi skorar hér sigurmarkið. Vísir/Getty
Gylfi Þór Sigurðsson segir það ólýsanlega tilfinningu að skora sigurmark eftir að hafa lent 2-0 undir.

Gylfi kom inn á sem varamaður og tryggði Tottenham 3-2 sigur gegn Southampton með marki í uppbótartíma.

Eftir leikinn sagði Tim Sherwood, stjóri Tottenham, að innkoma Gylfa í hálfleik hafi veitt liðinu þann neista sem þurfti en Southampton komst 2-0 yfir í leiknum.

Christian Eriksen skoraði fyrstu tvö mörk sinna manna en svo var komið að þætti Gylfa sem skoraði með föstu skoti utan vítateigs á 92. mínútu leiksins.

„Það er besta tilfinningin að skora mark, sérstaklega sigurmark. Það var líka frábært að ná að koma til baka eftir að hafa lent 2-0 undir,“ sagði Gylfi í viðtali á heimasíðu Tottenham en hann var beðinn um að lýsa markinu.

„Christian fékk boltann og lagði hann fyrir mig. Ég var fyrst að hugsa að koma honum út á kant til að fá fyrirgjöf inn í teig en ég sá að boltinn lá ágætlega fyrir mér. Ég lét því vaða og hitti hann vel, sem betur fer,“ sagði Gylfi.

„Ég hallaði mér yfir boltann, reyndi að halda honum niðri og hann fór inn.“


Tengdar fréttir

Gylfi: Sýndum karakter

Gylfi Sigurðsson var í sjónvarpsviðtali eftir að hafa tryggt Tottenham sigur á Southampton í dag í ensku úrvalsdeildinnin í fótbolta ásamt Christian Eriksen sem skoraði hin tvö mörkinn í 3-2 sigrinum.




Fleiri fréttir

Sjá meira


×