Enn meiri spenna í botnbaráttunni - öll úrslit dagsins í enska

Southampton og Swansea unnu bæði sannfærandi heimasigra í ensku úrvalsdeildinni í fótbolta í dag en óvæntustu úrslit dagsins voru á Selhurts Park þar sem Crystal Palace vann 1-0 sigur á Chelsea.

Jay Rodriguez var áfram á skotskónum hjá Southampton en hann skoraði tvö mörk í 4-0 sigri á Newcastle. Rodriguez var að skora í fjórða deildarleiknum í röð og Southampton hefur unnið þrjá þeirra. Mörkin má sjá í spilaranum að ofan.

Jonathan de Guzman skoraði tvö fyrstu mörkin þegar Swansea vann 3-0 heimasigur á Norwich en þetta var sannkallaður sex stiga leikur í fallbaráttunni. Swansea fór upp fyrir Norwich með þessum sigri.

Peter Odemwingie tryggði Stoke þrjú stig þegar hann skoraði eina markið í 1-0 sigri á Hull. Markið kom eftir varnarmistök hjá lærisveinum Steve Bruce í Hull.

Sjálfsmark fyrirliðans John Terry kostaði Chelsea öll stigin þegar liðið tapaði 0-1 á útivelli á móti Crystal Palace. Chelsea er enn í efsta sæti ensku úrvalsdeildarinnar en Manchester City getur nú tekið toppsætið af Chelsea-liðinu með sigri á Arsenal seinna í dag.

Aron Einar Gunnarsson og félagar í Cardiff City náðu í stig á útivelli á móti West Bromwich Albion í dag þrátt fyrir að lenda tveimur mörkum undir eftir aðeins níu mínútna leik. Leikurinn endaði með 3-3 jafntefli eftir tvö mörk í uppbótartíma.

Aron Einar fékk bara fyrri hálfleikinn í dag en Ole Gunnar Solkskjær tók hann útaf í hálfleik og setti Mats Moller Daehli, 19 ára landa sinn, inná í staðinn. Daehli skoraði síðan jöfnunarmarkið á fjórðu mínútu í uppbótartíma.



Úrslit og markaskorarar í ensku úrvalsdeildinni í dag:

Manchester United - Aston Villa    4-1

0-1  Ashley Westwood (13.), 1-1 Wayne Rooney (20.), 2-1 Wayne Rooney, víti (45.), 3-1 Juan Mata (57.), 4-1 Javier Hernandez (90.+1)

Crystal Palace - Chelsea    1-0

0-1 Sjálfsmark John Terry (52.)

Southampton - Newcastle    4-0

1-0 Jay Rodriguez (45.), 2-0 Rickie Lambert (49.), 3-0 Adam Lallana (70.), 4-0 Jay Rodriguez (89.)

Stoke - Hull    1-0

1-0 Peter Odemwingie (62.)

Swansea - Norwich    3-0

1-0 Jonathan de Guzman (30.), 2-0 Jonathan de Guzman (38.), 3-0 Wayne Routledge (75.)

West Brom - Cardiff    3-3

1-0 Morgan Amalfitano (2.), 2-0 Graham Dorrans (9.), 2-1 Jordon Mutch (30.), 2-2 Steven Caulker (73.), 3-2 Thievy Bifouma (90.+2), 3-3 Mats Moller Daehli (90.+4).