Källström sterklega orðaður við Arsenal

Samkvæmt enskum miðlum eru góðar líkur á því að sænski miðjumaðurinn Kim Källström verði lánaður til Arsenal í dag.

Källström er á mála hjá Spartak Moskvu í Rússlandi en þangað kom hann árið 2012 eftir að hafa leikið með Lyon í Frakklandi í sex ár.

Hann er 31 ára gamall og yrði kærkomin viðbót við leikmannahóp Arsenal vegna meiðsla þeirra Aaron Ramsey og Jack Wilshere, auk þess sem að Mathieu Flamini verður í leikbanni næstu þrjá leiki liðsins.

Lokað verður fyrir félagaskipti í Englandi klukkan 23.00 í kvöld en forráðamenn Arsenal eru sagðir vonbóðir um að hægt verði að ganga frá samningum fyrir þann tíma.

Fyrr í dag útilokaði Wenger að félagið myndi kaupa Julian Draxler, leikmann Schalke í Þýskalandi.