Fjórði sigur Tottenham í röð - Gylfi spilaði síðustu 23 mínúturnar

Gylfi Þór Sigurðsson og félagar í Tottenham héldu áfram sigurgöngu sinni í dag þegar liðið vann öruggan 3-1 útisigur á Swansea í ensku úrvalsdeildinni í fótbolta.

Tim Sherwood tók við starfi André Villas-Boas um miðjan desember og liðið hefur síðan þá náð í 16 stig af 18 mögulegum í ensku úrvalsdeildinni. Liðið vann sinn fjórða sigur í röð í þessum leik.

Gylfi Þór Sigurðsson kom inn á sem varamaður á 67. mínútu en staðan var þá 2-0 fyrir Tottenham. Þetta var fyrsti leikur Gylfa síðan að hann var kosinn Íþróttamaður ársins en hann hafði misst af síðustu fjórum leikjum liðsins vegna meiðsla.

Emmanuel Adebayor skoraði tvö mörk fyrir Tottenham í dag en hann hefur þar með skorað sex mörk í átta leikjum síðan að Tim Sherwood setti í stjórastólinn á White Hart Lane.

Emmanuel Adebayor skoraði fyrsta markið á 35. mínútu með skalla eftir fyrirgjöf Danans Christian Eriksen. Annað markið var sjálfsmark Chico Flores á 53. mínútu. Adebayor kom Tottenham síðan í 3-0 aðeins fjórum mínútum eftir að Gylfi Þór kom inná.

Wilfried Bony minnkaði muninn á 78. mínútu en Swansea tókst ekki laga stöðuna meira og Tottenham vann góðan sigur.