De Gea: Breytingarnar hafa gert mig að betri markverði

David de Gea segir að tíðar breytingar á varnarlínu Manchester United hafi gert hann að betri markverði.

Varnarmenn United hafa meiðst hver á fætur öðrum og Louis van Gaal, nýr þjálfari liðsins, hefur nánast aldrei getað stillt upp sömu varnarlínu frá leik til leiks.

Nýjasta nafnið á meiðslalistanum er Argentínumaðurinn Marcos Rojo sem fór úr axlarlið í grannaslagnum gegn Manchester City um þarsíðustu helgi.

„Ég hef aldrei kynnst öðru eins,“ sagði de Gea. „Ólukkan hefur elt okkur og það er erfitt að stöðugleika við slíkar aðstæður.

„Það er mikilvægt fyrir markvörð að ná vel saman við varnarlínuna, en það er erfitt þegar menn eru alltaf meiddir en þú verður að laga þig að aðstæðum og einbeita þér að verkefninu.

„Þessi erfiða reynsla hefur hjálpað mér að bæta mig sem markvörð,“ sagði de Gea sem kom til Manchester United frá Atlético Madrid sumarið 2011. Hann hefur leikið yfir 100 deildarleiki fyrir United síðan þá, en hann varð enskur meistari með liðinu vorið 2013.