Pardew gæti sótt reiðistjórnunarnámskeið

„Þegar þú gerist mistök þarftu að borga fyrir þau,“ sagði AlanPardew, knattspyrnustjóri Newcastle, á blaðamannafundi í gær.

Pardew þarf svo sannarlega að borga fyrir heimskuleg „mistök“ sín en stjórinn tók upp á því að skalla DavidMeyler, leikmann Hull um síðustu helgi.

Fyrir það var hann úrskurðaður í sjö leikja bann. Í fyrstu þremur leikjunum má hann ekki einu sinni vera á vellinum en eftir það tekur við fjögurra leikja hliðarlínubann.

„Ég verð að þakka fyrir þann stuðning sem ég hef fengið frá félaginu síðan atvikið gerðist. Það hefur hjálpað mér mikið,“ sagði Pardew sem var síðan spurður út í þær fregnir að hann ætlaði að leita sér hjálpar eins og t.d. á reiðistjórnunarnámskeiði.

„Það er eitthvað sem ég hef skoðað í samstarfi við félagið. Það sem ég verð aðallega að gera er að nýta þetta til að verða betri stjóri. Ég hef stýrt liði í einhverjum 678 leikjum og aðeins fengið eitt hliðarlínubann. Það afsakar samt ekki hegðun mína,“ sagði Pardew.

„Ég verð ekki einu sinni á vellinum í næstu þremur leikjum sem gerir mér fært að skoða mín mál og hugsa um hvernig ég get gert liðið betra. Stuðningsmennirnir vita nefnilega að hungur mitt í sigra minnkar aldrei,“ sagði Alan Pardew.