Ensku félögin hafa aldrei eytt meiru

Félögin í ensku úrvalsdeildinni settu nýtt met með því að eyða 630 milljónum punda eða 118 milljörðum íslenskra króna í sumarglugganum en félagsskiptaglugginn lokaði seint í gærkvöldi. Þetta kemur fram í BBC sem hefur undir höndunum gögn frá Deloitte.

Ensku úrvalsdeildarfélögin gerðu reyndar betur en að bæta eyðslumetið því gamla metið var orðið fimm ára gamalt og það var "bara" 500 milljón pund frá 2008.

Stærstu kaup lokadagsins voru 42,4 milljón punda kaup Arsenal á Mesut Özil en Manchester United borgaði 27,5 milljón pund fyrir Everton-manninn Marouane Fellaini.

Það voru fleiri að kaupa en félögin í ensku úrvalsdeildinni. Spænsku og ítölsku félögin eyddu um 335 milljónum punda hvor, frönsku félögin keyptu menn fyrir 315 milljónir punda og þýsku liðin eyddu um 230 milljónum punda.

Eyðsla spænsku félögin kemur kannski á óvart miðað við efnahagsástandið í landinu en þar munar mikið um 85 milljón punda kaup Real Madrid á Gareth Bale. Real setti nýtt heimsmet í eyðslu með þeim kaupum.