Suarez fékk að æfa með aðalliði Liverpool í morgun

Luis Suarez fékk að æfa á ný með aðalliði Liverpool í morgun en honum var skipað að æfa einn eftir að hafa barist fyrir því að vera seldur til Arsenal. Liverpool ætlar ekki selja Úrúgvæmanninn og bæði eigandi og knattspyrnustjórinn Brendan Rodgers gáfu það út.

Ben Smith á BBC Sport hefur heimildir fyrir því að Luis Suarez hafi fengið að æfa með aðalliðinu eftir að hann og Brendan Rodgers ræddu málin. Suarez kom heim í gær eftir að hafa spilað með landsliðinu í vináttulandsleik í Japan.

Það er ekki vitað hvað fór á milli þeirra Brendan Rodgers og Luis Suarez en Rodgers lét hafa það eftir sér að framherjinn fengu ekki að æfa á ný með aðalliðinu fyrr en hann bæðist afsökunar á hegðun sinni á síðustu vikum.

Luis Suarez hélt því fram að Liverpool hafi lofað að selja hann ef að liðið kæmist ekki í Meistaradeildina en því hefur félagið vísað til föðurhúsanna.

Suarez fær þó ekkert að spila með Liverpool strax því hann á eftir að taka út sex leiki í leikbanni sínu fyrir að bíta Chelsea-manninn Branislav Ivanović í leik liðanna síðasta vetur.