Nú þykir enn líklegra að líf hafi getað þrifist á Mars

Nýjar rannsóknir benda til þess að ákveðin tegund örvera hefði getað lifað á vatnasvæði á Mars sem geimjeppinn Curiosity hefur rannsakað. Þetta er meðal þess sem fram kemur í vísindagreinum sem birtust í tímaritinu Science í gær.

Umrædd tegund þarf ekki sólarljós til að komast af, heldur reiðir hún sig á orku sem hún vinnur úr steinefnum. Slíkar verur finnast hér á jörðinni, í djúpum hellum og á hafsbotni.

Telja höfundar greinanna að líklegt sé að slíkt líf hefði getað þrifist á Mars í milljónir ára á meðan vatn rann þar.