Kári og félagar nálgast toppinn

Rotherham vann mikilvægan 3-1 sigur á Torquay á útivelli í ensku D-deildinni í kvöld.

Kári Árnason spilaði sem fyrr allan leikinn í liði Rotherham sem færðist með sigrinum upp í sjöunda sæti deildarinnar.

Liðið er með 49 stig en liðin í 4.-7. sæti taka þátt í umspilskeppni í lok tímabilsins um sæti í C-deildinni. Þrjú efstu liðin komast beint upp.

Port Vale (60 stig) og Gillingham (59 stig) eru með þægilega forystu á toppi deildarinnar en Cheltenham er í þriðja sæti með 52 stig.