Breytti nafninu sínu í Anfield

Norðmaðurinn Axel Gogstad er einn af harðari stuðningsmönnum Liverpool. Fyrir níu árum ákvað hann að breyta nafni sínu til heiðurs félaginu.

Norðmaðurinn 27 ára, sem stefnir á frama í íþróttafréttamennsku, tók ákvörðunina 18 ára. Hann hefur því heitið Axel Gogstad-Anfield í um níu ár. Samkvæmt frétt Daily Mail var um skjóta ákvörðun að ræða.

„Ég hef alltaf verið stoltur af nafninu mínu. Ég taldi hins vegar enn meira stolt felast í því að bæta Anfield við og hafa því Liverpool með mér hvert sem ég fer."

Móðir Norðmannsins tók hins vegar ekkert alltof vel í nafnabreytinguna á sínum tíma. Spurði hún son sinn við kvöldmatarborðið hvað hann hefði gert í dag.

„Ég breytti nafninu mínu í Anfield," svaraði táningurinn og átti móðir hans erfitt með að trúa sínum eigin eyrum. Gogstad-Anfield segist helst verða fyrir aðkasti frá stuðningsmönnum Manchester United. Sérstaklega hristi vegabréfaeftirlitsmenn á flugvelli borgarinnar hausinn þegar Norðmaðurinn leggur leið sína þangað.