Villas-Boas útilokar að selja Gylfa og Defoe

Andre Villas-Boas, knattspyrnustjóri Tottenham Hotspurs, hefur útilokað að selja þá Gylfa Þór Sigurðsson og Jermain Defoe frá félaginu í sumar en þetta segir stjórinn í viðtali við Daily Express.

Leikmennirnir hafa báðir verið orðaðir frá klúbbnum í sumar en það mun ekki kom til þess.

Gylfi Þór hefur spilað flestar mínútur á undirbúningstímabilinu fyrir Tottenham og er greinilega í framtíðaráformum stjórans.

Defoe hefur verið orðaður við WBA og Queens Park Rangers í sumar.

„Þetta eru báðir leikmenn sem við treystu hundrað prósent á,“ sagði Villas-Boas.

„Gylfi Sigurðsson er vissulega inn í okkar áformum og verður klárlega áfram hjá félaginu.“

„Defoe er goðsögn hjá félaginu og hefur staðið sig vel. Núna er mikil samkeppni um hans stöðu hjá liðinu en leikmaðurinn hefur heldur betur gengið í gegnum slíka tíma hjá Spurs.“