Aron Einar skoraði í sigri Cardiff á Manchester City

Aron Einar Gunnarsson skoraði fyrsta mark í sögu Cardiff í ensku úrvalsdeildinni en liðið vann ótrúlegan sigur, 3-1, á Manchester City í annarri umferð deildarinnar.

Cardiff eru nýliðar í deildinni og því magnaður sigur.

Edin Dzeko gerði fyrsta mark leiksins í upphafi síðari hálfleiksins en það var Íslendingurinn Aron Einar Gunnarsson sem jafnaði metin hálftíma fyrir leikslok þegar hann fylgdi skoti samherja síns vel á eftir og þrumaði boltanum í netið.

Fraizer Campbell skoraði síðan tvö næstu mörk leiksins og allt í einu var staðan orðin 3-1 fyrir heimamenn í Cardiff.

Gestirnir í Manchester City neituðu að gefast upp og Álvaro Negredo náði að minnka muninn þegar komið var framyfir venjulegan leiktíma.

Lengra komust gestirnir ekki og Cardiff vann sögulegan sigur 3-2.