Mannskæðir eldsvoðar á skemmtistöðum

27. janúar 2013 20:48

Slökkviliðið að störfum í Santa Mariu í Brasilíu í nótt. Nordicphotos/Getty

Talið er að 232 hafi látið lífið í eldsvoða á skemmtistað í Brasilíu í nótt. AP-fréttastofan hefur tekið saman mannskæða eldsvoða á skemmtistöðum um heim allan.

Talið er að eldinn í Santa Maria í Brasilíu megi rekja til flugelda sem er raunar furðualgeng orsök eldsvoða ef litið er til lista AP.

Perm, Rússlandi - 2009

Eldur kviknaði á Lame Horse næturklúbbnum í Rússlandi í desember 2009. Flugeldasýning innandyra varð til þess að kviknaði í plastskreytingum. 152 létu lífið.

Buenos Aires, Argentínu - 2004

Buenos Aires, Argentínu.Nordicphotos/AFP

194 létu lífið í eldsvoða á yfirfullum skemmtistað á skemmtistað sem var aðallega sóttur af verkamönnum. Eldur kviknaði í niðurteknu lofti.

Rhode Island, Bandaríkjunum - 2003

Rhode Island, Bandaríkjunum.Nordicphotos/AFP

Eldur í næturklúbbi fylkinu í Rhode Island varð 100 að bana

eftir að flugeldar, sem voru hluti af tónleikum hljómsveitarinnar Great White, kveikti í ódýrum hljóðísogsplötum á veggjum og lofti.

Luoyang, Kína - 2000

309 létu lífið í desember árið 200 í mesta manntjóni á skemmtistað í sögu Kína. Mikið fjölmenni var þá samankomið á diskóteki í borginni Luoyang. Eldinn mátti rekja til suðuslyss í nágrenni skemmtistaðarins.

Quezon City, Filipseyjar - 1996

Fjölmargir nemar voru á meðal þeirra 162 sem létu lífið á Ozone Disco öldurhúsinu í Filipseyjum árið 1996. Nemarnir voru að fagna próflokum.

Kentucky, Bandaríkjunum - 1977

165 létust og yfir 200 slösuðust þegar Beverly Hills Supper Club í bænum Southgate í Kentucky-fylki brann til kaldra kola.

Ættingjar bíða þess að geta borið kennsl á líkin í Boston árið 1942.Nordicphotos/Getty

Boston, Bandaríkjunum - 1942

Mesta manntjón á skemmtistað í sögu Bandaríkjanna átti sér stað á Boston Cocoanut klúbbnum í samnefndri borg í Massachussetts-fylki. 492 létu lífið en eldsvoðinn varð til aukinna reglugerða um úðakerfi og fjölda neyðarútganga.

Mississippi, Bandaríkjunum - 1940

209 létu lífið á Rhytm Night Club í bænum Natchez í Mississippi-fylki. Eldur kviknaði í skrauti sem hékk í loftinu. Hundruð gesta reyndu að forða sér út um einn útgang. Neglt hafði verið fyrir glugga til þess að koma í veg fyrir að fólk gæti svindlað sér inn.

Umfjöllun AP-fréttastofunnar má sjá hér.