Aron Einar fær stóraukna samkeppni

Enska úrvalsdeildarfélagið Cardiff City hefur gengið frá fjögurra ára samningi við landsliðsmann Chile, Gary Medel.

Medel kemur frá Sevilla en hann er djúpur miðjumaður. Kaupverðið hefur ekki verið gefið upp en talið er að það sé í kringum 13 milljónir punda.

Cardiff keypti á dögunum Steven Caulker frá Tottenham. Caulker kostaði átta milljónir punda en Cardiff hefur staðfest að Medel var dýrari.

Medel er 26 ára og hefur spilað á sjötta tug landsleikja frá Chile. Aron Einar Gunnarsson spilaði sinn fyrsta leik með Cardiff í dag eftir axlarmeiðsli sín í 2-1 sigri á Athletic Bilbao í æfingaleik.