Kári og félagar áttu ekki möguleika á Villa Park

Kári Árnason og félagar í Rotherham eru úr leik í enska deildabikarnum eftir 3-0 tap á móti enska úrvalsdeildarliðinu Aston Villa í kvöld. Hitt Íslendingarliðið í eldlínunni í kvöld, Cardiff City, komst hinsvegar áfram.

Kári Árnason spilaði allan leikinn á móti Aston Villa en Villa-menn voru of sterkir fyrir C-deildarliðið í kvöld. Kári gerði slæm mistök í fyrsta markinu og eftir það var á brattan að sækja.

Aron Einar Gunnarsson var hvíldur þegar Cardiff City vann 2-0 útisigur á D-deildarliðinu Accrington Stanley. Bæði mörkin komu með mínútu millibili eftir um klukkutíma leik.

Shola Ameobi og SammyAmeobi björguðu Newcastle United á móti d-deildarliði Morecambe þegar þeir skoruðu einu mörk leiksins á síðustu sex mínútunum.

Kenwyne Jones skoraði þrennu fyrir Stoke City í 3-1 sigri á Walsall.

Everton náði ekki að vinna Stevenage í venjulegum leiktíma og framlenging stendur nú yfir sem og í leik Nottingham Forrest og Millwall.



Úrslit í enska deildabikarnum í kvöld:

Accrington - Cardiff    0-2

0-1 Nicky Maynard (61.), 0-2 Rudy Gestede (62.)

Everton - Stevenage    1-1 (framlengt)

0-1 Luke Freeman (36.), 1-1 Gerard Deulofeu (45.)

Morecambe - Newcastle United    0-2

0-1 Shola Ameobi (84.), 0-2 Sammy Ameobi (90.´+4)

Stoke - Walsall    3-1

1-0 Kenwyne Jones (22.), 2-0 Kenwyne Jones (36.), 2-1 Ashley Hemmings (57.), 3- Kenwyne Jones (84.).

Aston Villa - Rotherham    3-0

1-0 Andreas Weimann (19.), 2-0 Christian Benteke (40.), 3-0 Fabian Delph (53.)

Watford - Bournemouth    2-0

Nottingham F. - Millwall    1-1 (framlengt)