Markaþurrð í enska boltanum

Það var ekki beint boðið upp á flugeldasýningu í leikjum dagsins í enska boltanum. Það kom ekki mark í neinum leik fyrr en eftir 68 mínútur og mörkin í leikjunum sem hófust klukkan 14.00 voru ekki fleiri en þrjú.

Markalaust var í leikhléi í öllum leikjum en það var Nathan Redmond hjá Norwich sem braut ísinn þegar menn héldu að það kæmi hreinlega ekki mark í leikina.

Aron Einar Gunnarsson lék allan leikinn fyrir Cardiff sem gerði markalaust jafntefli á heimavelli gegn Everton. Cardiff tapaði fyrsta leik tímabilsins en hefur síðan nælt í sigur og jafntefli. Ágætis byrjun hjá nýliðunum.

Úrslit:

Norwich-Southampton  1-0

1-0 Nathan Redmond (68.).

Cardiff-Everton  0-0

Newcastle-Fulham  1-0

1-0 Hatem Ben Arfa (86.).

West Ham-Stoke City  0-1

0-1 Jermaine Pennant (82.).

Staðan í ensku úrvalsdeildinni.