Negredo og Toure sáu um Hull

Manchester City vann fínan 2-0 sigur á Hull City í hádegisleik enska boltans. Það var vandræðagangur á City lengi vel en liðinu tókst þá að landa þrem stigum.

Lið Man. City var allt annað en sannfærandi í þessum leik rétt eins og um síðustu helgi gegn Cardiff. Leikmenn Hull fengu virkilega fín færi í fyrri hálfleik en náðu ekki að nýta þau.

Það kom í bakið á þeim í síðari hálfleik er Alvaro Negredo skallaði boltinn í netið hjá Hull. Yaya Toure innsiglaði svo 2-0 sigur með frábæru marki beint úr aukaspyrnu undir lok leiksins.

Ekki góður leikur hjá City en þrjú stig og það skiptir víst öllu máli.

City er þar með búið að fá sex stig í þremur leikjum en Hull er með þrjú stig eftir þrjá leiki.

Staðan í ensku úrvalsdeildinni.