Palace byrjað að safna stigum

Nýliðar Crystal Palace fengu í dag sín fyrstu stig í ensku úrvalsdeildinni í dag er liðið skellti Sunderland, 3-1, á heimavelli.

Heimamenn byrjuðu leikinn betur og Danny Gabbidon kom liðinu yfir strax á 9. mínútu. Þannig stóðu leikar allt þar til á 64. mínútu er Steven Fletcher jafnaði metin.

Hinn reyndi John O'Shea gerði sig sekan um hræðileg mistök tólf mínútum fyrir leikslok. Missti boltann fram hjá sér og var svo of seinn í tæklingu. Fyrir vikið var dæmt víti og O'Shea réttilega rekinn af velli.

O´Shea braut á Dwight Gayle. Hann tók spyrnuna sjálfur og skoraði með mjög föstu skoti. Það var svo varamaðurinn O´Keefe sem skoraði lokamarkið í uppbótartíma með glæsilegu skoti utan teigs.

Sunderland er með eitt stig eftir þrjá leiki.

Staðan í ensku úrvalsdeildinni.