Lampard: Mourinho er kominn aftur heim

Frank Lampard, leikmaður Chelsea var himinlifandi eftir opnunarleik liðsins í fyrstu umferð ensku úrvalsdeildarinnar. Lampard sem skoraði eitt mark í sigri Chelsea ræddi sérstaklega um endurkomu Jose Mourinho, knattspyrnustjóra félagsins og sagði hann vera kominn heim aftur.

„Það var frábær stemmning á vellinum. Það var augljóst hvað nærvera Mourinho skipti áhorfendur miklu máli. Hann sjálfur var mjög rólegur og yfirvegaður yfir þessu öllu saman en stemmningin var frábær," sagði Lampard.

„Hann er kominn heim aftur. Hann skiptir áhangendur félagsins svo miklu máli og félagið skiptir hann sjálfan öllu máli. Þetta var frábær dagur og við erum gríðarlega spenntir fyrir komandi tímabili," sagði Frank Lampard í leikslok.