Moyes: Besta frammistaða liðsins á tímabilinu

David Moyes var þokkalega sáttur með frammistöðu sinna manna í 1-0 tapi gegn Liverpool á Anfield í dag.

„Mér fannst við spila virkilega vel, það voru langir kaflar þar sem við fannst við vera betri en við gátum ekki skorað. Fyrir utan einbeitingarskort í markinu þeirra spiluðum við heilt yfir vel," sagði David Moyes eftir leikinn.

„Við fengum nokkur færi í leiknum en við gátum ekki nýtt okkur þau. Við áttum að fá víti í leiknum þegar mér sýndist vera sparkað aftan í Welbeck í vítateignum, mér fannst það vera klár vítaspyrna."

United er með fjögur stig eftir erfiða byrjun og var Moyes nokkuð sáttur í leikslok.

„Miðað við það sem ég sá í dag er ég ánægður með liðið sem ég er með. Þetta var besta frammistaða liðsins á þessu tímabili. Ef við náum ekki að styrkja okkur fyrir lokun gluggans þá hef ég fulla trú á leikmönnunum sem ég hef úr að velja," sagði Moyes.