Liverpool verður að berjast um fjórða sætið

Rio Ferdinand, miðvörður Man. Utd, hefur tekið það að sér að kynda bálið fyrir stórleikinn gegn Liverpool í dag.

Liverpool hefur byrjað deildina vel og unnið fyrstu tvo leiki sína. Það hefur ekki gerst í fimm ár. Rio hefur þó ekki trú á því að Liverpool muni berjast um titilinn.

"Það er of snemmt að spá því að Liverpool verði í toppbaráttu. Ég held ekki að nokkur hafi spáð þeim þar fyrir tímabilið. Þeir hafa samt byrjað tímabilið vel," sagði Rio.

"Fyrir mér er titilbaráttan á milli okkar, Man. City og Chelsea. Liverpool, Tottenham og Arsenal eru síðan að berjast um fjórða sætið."