Arsenal reynir að fá Demba Ba á láni

Arsenal ætlar að láta til sín taka á lokadegi félagsgluggans en Sky Sports hefur heimildir fyrir því að Arsene Wenger sé að reyna að fá Demba Ba á láni. Fyrr í dag náði Arsenal samkomulag við Real Madrid um kaup á þýska miðjumanninum Mesut Özil.

Demba Ba hefur verið út í kuldanum hjá Jose Mourinho, knattspyrnustjóra Chelsea, sem hefur aðeins notað hann í 65 mínútur á tímabilinu. Ba kom til Chelsea fyrir aðeins átta mánuðum og hefur skorað sex mörk fyrir félagið.

Arsene Wenger er á eftir framherja og hefur reynt bæði að kaupa Luis Suarez og Gonzalo Higuain án árangurs. Nú gæti hann hinsvegar hafa fundið rétta manninn þótt að félögin eigi nokkuð í land í samningarviðræðum.

Sky Sports hefur heimildir fyrir því að Chelsea vilji frá þrjár milljónir punda fyrir eins árs lánsamning en Arsenal er tilbúið að borga 1,5 milljón. Napoli og Valencia er einnig sögð hafa áhuga á Ba og Senegal-maðurinn gæti því verið á leiðinni úr enska boltanum.