Stoke með sinn fyrsta sigur | Nýliðar Hull lögðu Norwich

Fimm leikjum er nýlokið í ensku úrvalsdeildinni í knattspyrnu en aðeins voru skoruð sex mörk í þessum fimm leikjum.

Stoke vann fínan sigur á nýliðum Crystal Palace, 2-1, en Marouane Chamakh kom Crystal Palace yfir í fyrri hálfleiknum.

Staðan var 1-0 í hálfleik en heimamenn í Stoke gengu frá leiknum á fimm mínútna kafla í síðari hálfleiknum þegar  Charlie Adam og Ryan Shawcross skoruðu sitt markið hvor. Fyrsti sigur Stoke í deildinni en Crystal Palace er enn án stiga.

Everton og West Bromvich Albion gerðu markalaust jafntefli þrátt fyrir að Everton hafi verið mikið betri aðilinn í leiknum. Newcastle og West Ham gerðu einnig markalaust jafntefli.

Sunderland og Southampton gerðu 1-1 jafntefli á heimavelli Southampton.

Hull City Tigers vann sinn fyrsta leik á tímabilinu þegar liðið bar sigur úr býtum gegn Norwich á heimavelli en Robbie Brady gerði eina mark leiksins úr vítaspyrnu.

Hull City 1 - 0 Norwich

1-0 Robbie Brady (22.)

Everton 0 - 0 West Brom

Newcastle 0 - 0 West Ham

Southampton 1 - 1 Sunderland

0-1 Emanuele Giaccherini (3.), 1-1 Jose Fonte (88.)

Stoke City 2 - 1 Crystal Palace

0-1 Marouane Chamakh (31.), 1-1 Charlie Adam (58.),  2-1 Ryan Shawcross (62.)