Eto'o á leið til Chelsea

Breskir fjölmiðlar fullyrða að Kamerúninn Samuel Eto'o sé á leið í herbúðir Chelsea.

Eto'o er sagður munu skrifa undir tólf mánaða samning við Lundúnaliðið. Þar hittir hann fyrir fyrrum liðsfélaga sinn hjá Anzhi Makhachkala, Brasilíumanninn Willian, sem samdi við Chelsea í vikunni.

Kaupverð Eto'o er talið vera um fimm milljónir punda en Kamerúninn hefur himinhá laun. Vikulaun hans í Rússlandi voru um 300 þúsund pund á viku eða um fimmtíu milljónir króna. Framherjinn mun hafa svipaðar tekjur á árinu hjá Chelsea.

Frétt Guardian um komu Eto'o má sjá hér.