Íhugar að hætta eftir að náinn vinur og umboðsmaður lést

Steve Clarke, knattspyrnustjóri West Bromwich Albion, hefur gefið það út að Nicolas Anelka íhugi nú alvarlega að leggja skóna á hilluna eftir að umboðsmaður að nafni Eric Manasse lést.

Manasse vann mikið með Anelka í gegnum hans feril og var mjög náin leikmanninum en Anelka yfirgaf æfingasvæði WBA í gær og er kominn í persónulegt leyfi frá félaginu.

„Ég frétti af því fyrir stundu að herra Eric Manasse hafi látist. Sorgin er óbærileg og ég get ekki lýst henni með orðum,“ skrifaði Anelka á samskiptavefinn Facebook í gær.

Anelka verður ekki með WBA gegn Everton í ensku úrvalsdeildinni í knattspyrnu um helgina.