Evans efast um mikilvægi Mourinho

Jonny Evans, leikmaður Manchester United, vill meina að Jose Mourinho, nýráðinn knattspyrnustjóri Chelsea, eigi ekki eftir að hafa eins mikil áhrif á liðið eins margir sparkspekingar vilja meina.

Manchester United og Chelsea mætast á mánudagskvöldið í fyrsta heimaleik David Moyes, knattspyrnustjóra Manchester United, með liðið.

Þegar Mourinho tók við Chelsea árið 2004 varð liðið enskur meistari á hans fyrsta tímabili með liðið en eftir að Pórtúgalinn yfirgaf liðið árið 2007 hefur Chelsea ekki náð að verða enskur meistari. Kappinn er mættur aftur í slaginn og menn spá Chelsea góðu gengi á tímabilinu.

„Það vilja allir halda því fram að Mourinho eigi eftir að skipta sköpum fyrir Chelsea en ég er ekki eins sannfærður og allir. Hann mun líklega hafa gríðarlega áhrif á hópinn fyrstu tvo til þrjá mánuðina en svo er spurning með framhaldið,“ sagði Jonny Evans.

„Hann hafði mikil áhrifa á hópinn þegar hann tók fyrst við liðinu en það þarf ekkert endilega að gerast aftur að þessu sinni.“