Özil til Arsenal fyrir 50 milljónir evra

Mesut Özil er á leiðinni í læknisskoðun og verður í framhaldinu leikmaður Arsenal samkvæmt heimildum BBC. Arsenal mun borga Real Madrid 50 milljónir evra fyrir þýska landsliðsmanninn eða jafnvirði rúmlega níu milljarða íslenskra króna. 

50 milljónir evra gera um 42,2 milljónir enskra punda sem þýðir að Arsenal bætir með þessu félagssmetið sitt um 30 milljónir punda. og Özil verður því langdýrasti leikmaður félagsins frá upphafi.

Spænskir miðlar sögðu frá því í morgun að Özil vildi ekki fara frá Real Madrid en ekkert virðist hafa verið til í þeim fréttum.

BBC hefur heimildir fyrir því að Özil sé búinn að semja um kaup og kjör við Arsenal og að hann fari í læknisskoðun í Þýskalandi þar sem hann er kominn til móts við þýska landsliðið.

Þetta er mikill sigur fyrir Arsene Wenger sem hefur verið gagnrýndir harðlega fyrir að styrkja ekki Arsenal-liðið í sumar. Þessi kaup gleðja væntanlega stuðningsmenn Arsenal.

Özil er 24 ára gamall miðjumaður sem hefur lengi verið talinn í hópi efnilegustu knattspyrnumanna heims. Hann var í þrjú tímabil hjá Real Madrid.