Liverpool sigraði Man Utd | Þriðji 1-0 sigurinn í röð

Liverpool sigraði Manchester United í stórleik dagsins á Anfield en leiknum lauk með 1-0 sigri heimamanna. Þetta var þriðji 1-0 sigur Liverpool í röð í deildinni.

Heimamenn fengu sannkallaða draumbyrjun á Anfield þegar Daniel Sturridge skoraði fyrsta mark leiksins eftir aðeins fjórar mínútur. Upp úr hornspyrnu frá Gerrard skallaði Daniel Agger boltann áfram og Sturridge var mættur á línuna og fleytti boltanum í netið.

Þetta var eina mark leiksins og lauk leiknum því með þriðja sigri Liverpool í röð. Með sigrinum færði Liverpool sig í efsta sætið í ensku úrvalsdeildinni . Þetta er besta byrjun Liverpool í deildarkeppninni síðan tímabilið 1994/1995 þegar Roy Evans var við stjórnvölinn.