Bardsley settur í ótímabundið agabann

Phillip Bardsley, varnarmaður Sunderland, hefur verið settur í bann af knattspyrnustjóra liðsins Paolo Di Canio eftir að leikmaðurinn gerði lítið úr tapi liðsins gegn Fulham á vefnum.

Di Canio hefur því í raun sett leikmanninn ótímabundið agabann. Sundarland tapaði, 1-0,  fyrir Fulham á heimavelli á laugardaginn.

Stjórinn hefur tilkynnt leikmanninum að halda sig frá æfingasvæðinu í bili.

Bardsley skrifaði inn athugasemd á mynd sem ungur leikmaður Sunderland setti inn a samskiptavefinn Instagram og undir henni stóð „Frábær byrjun á tímabilinu. Hahhahahahh!!!“.