Elmander kominn til Norwich

Knattspyrnumaðurinn  Johan Elmander  er genginn til liðs við enska úrvalsdeildarfélagið Norwich og gerði eins árs lánssamning við klúbbinn.

Elmander  hefur verið á mála hjá Galatasary í Tyrklandi frá árinu 2011 en færðist aftarlega í goggunarröðinni þegar Didier Drogba gekk til liðsins.

„Ég er gríðarlega ánægður með þetta skref hjá mér og get ekki beðið að byrja æfa með liðinu,“ sagði Elmander, á heimasíðu Norwich í dag.

„Stuðningsmenn liðsins eru frábærir og alltaf flott andrúmsloft á vellinum. Ég þekki einnig nokkra leikmenn sem spila hjá Norwich og þetta verður bara skemmtilegt ævintýri.“