Eigendur Leeds vilja banna bjórsölu á Elland Road

Hinir nýju eigendur Leeds vilja banna alla bjórsölu á heimavelli félagsins, Elland Road, og helst einnig í nágrenni vallarins.

Eigendurnir eru múslimar sem búa í Dubai og áfengisneyslan á vellinum og kringum hann er þeim ekki að skapi af trúarástæðum.

Salem Patel, framkvæmdastjóri Leeds, er strangtrúaður og hefur rætt þetta mál á stjórnarfundum. Hann virðist þó vera sá eini í stjórninni sem vill koma á bjórbanni.

Það er hluti af hefðinni í Bretlandi að njóta drykkjar á börum fyrir leik og í VIP-stúkum þó svo bannað sé að fara með bjór inn á völlinn sjálfan.

Patel er sagður líklegur til þess að halda þessu máli til streitu.