Real Madrid og Tottenham að ná saman

Gareth Bale færist sífellt nær Real Madrid og samkvæmt heimildum BBC og Sky eru viðræður á milli Tottenham og Real Madrid langt komnar.

Ekki er enn búið að semja um kaupverð samkvæmt heimildum miðlanna. Það verður aldrei undir 80 milljónum punda.

Málið gæti þó klárast um helgina eða fljótlega eftir helgi.

Tottenham er augljóslega að búast við því að selja Bale því félagið hefur verið að láta til sín taka á leikmannamarkaðnum og búist við nýjum mönnum á næstu dögum.

Real Madrid skildi eftir treyju númer 11 fyrir veturinn þar sem þeir búast við Bale í treyju félagsins í vetur.