Marca fullyrðir að Real Madrid hafi keypt Bale á metfé

Spænska íþróttablaðið Marca heldur því fram að knattspyrnufélagið Real Madrid hafi gengið frá kaupunum á Gareth Bale frá Tottenham

Hotspur en leikmaðurinn hefur verið orðaður við félagið í allt sumar.

Kaupverðið mun vera 86 milljónir punda eða 16 milljarðar íslenskra króna sem gerir Bale að dýrasta knattspyrnumanni sögunnar.

Cristiano Ronaldo hefur verið dýrasti leikmaður sögunnar hingað til en hann leikur einmitt með Real Madrid.

Vefsíða Real Madrid opnaði óvart fyrir sölu á treyjum með nafni og númeri Bale í gærkvöldi en lokað var fyrir það skömmu síðar.