Angel Di Maria gæti verið á leiðinni í ensku deildina

Nú þegar það er orðið nokkuð ljóst að Gareth Bale sé á leiðinni frá Tottenham Hotspur til Real Madrid þá gæti vel farið svo að Angel Di Maria yfirgefi Real Madrid á næstu dögum.

Arsenal og Manchester United berjast nú um leikmanninn en kaupverðið mun líklega vera um 34 milljónir punda fyrir þennan snjalla miðjumann.

Angel Di Maria vill að sögn spænskra fjölmiðla vera áfram hjá Real Madrid og berjast um sína stöðu við Gareth Bale en það ku einnig heilla að leika í ensku úrvalsdeildinni.