Rodgers: Erum jafnt og þétt að bæta okkur

„Það var mikilvægt að verjast vel í dag, Aston Villa er með gott lið og beitir erfiðum skyndisóknum,“ sagði Brendan Rodgers, knattspyrnustjóri Liverpool, eftir sigurinn á Aston Villa í dag.

Liverpool vann góðan sigur á Aston Villa 1-0 en Daniel Sturridge gerði eina mark leiksins.

„Þetta var einstaklega ljúfur sigur og erfiður leikur. Við gáfum ekki mörg færi á okkur í dag og lokuðum vel á þá varnarlega.“

„Simon Mignolet kom nokkrum sinnum til bjargar í dag og hann hefur verið magnaður það sem af er tímabilsins.“

„Liðið hefur verið að bæta sig jafnt og þétt alveg frá því í janúar og við stefnum langt á þessu tímabili.“