Enski boltinn

Sögulegt sigurmark Eiðs Smára fyrir níu árum

Óskar Ófeigur Jónsson skrifar
Eiður Smári skorar hér sigurmarkið í leiknum.
Eiður Smári skorar hér sigurmarkið í leiknum. Mynd/AFP
Nafn Eiðs Smára Guðjohnsen hefur komið upp í aðdraganda leiks Manchester United og Chelsea en þessi stórleikur umferðarinnar í ensku úrvalsdeildinni fer fram á Old Trafford í kvöld. Eiður Smári tryggði nefnilega Jose Mourinho, knattspyrnustjóra Chelsea, hans fyrsta sigur í ensku úrvalsdeildinni fyrir níu árum síðan.

Eiður Smári tryggði nefnilega Chelsea 1-0 sigur á Manchester United í fyrsta deildarleik liðsins undir stjórn Portúgalans Jose Mourinho en sá leikur fór fram á Stamford Bridge 15. ágúst 2004.

Eiður Smári skoraði markið sitt af harðfylgi á fimmtándu mínútu leiksins eftir góðan samleik við Didier Drogba. Það er hægt að sjá markið á myndbandinu hér fyrir neðan.

Níu mánuðum síðar tryggði Cheslea-liðið sér sinn fyrsta meistaratitil í hálfa öld.



Enski boltinn

Tengdar fréttir

Upphitun fyrir stórleik kvöldsins

Á Vísi í vetur verður hægt að sjá upphitunarmyndbönd fyrir leikina í enska boltanum. Stórleikur umferðarinnar fer fram í kvöld þegar Jose Mourinho mætir með Chelsea á Old Trafford þar sem Englandsmeistarar Man. Utd bíða.

Tveir nýir stjórar berjast um England

England mun nötra í kvöld þegar Manchester United tekur á móti Chelsea í ensku úrvalsdeildinni. Tveir nýir stjórar eru við stjórnvölinn og eins og svo oft áður verður allt lagt undir þegar þessi tvö lið etja kappi á Old Trafford.

Mest lesið


Fleiri fréttir

Sjá meira


×

Mest lesið