Wayne Rooney í byrjunarliðinu hjá United

David Moyes, knattspyrnustjóri Manchester United og Jose Mourinho, knattspyrnustjóri Chelsea, hafa tilkynnt byrjunarliðin sín fyrir stórleik liðanna á Old Trafford í kvöld en þetta er síðasti leikurinn í annarri umferð ensku úrvalsdeildarinnar.

Wayne Rooney er í byrjunarliði Manchester United í kvöld en Jose Mourinho hefur ekkert farið leynt með áhuga sinn á því að kaupa hann til Chelsea. Þetta er fyrsti leikur Rooney í byrjunarliðinu síðan að David Moyes tók við.

Wayne Rooney, Robin van Persie og Danny Welbeck eru allir í byrjunarliðinu hjá Moyes en tveir þeir síðastnefndu skoruðu báðir tvö mörk í sigrinum á Swansea í fyrstu umferð. Rooney kom þá inn á sem varamaður og lagði upp mark fyrir þá báða.

André Schürrle og Kevin De Bruyne byrja báðir hjá Chelsea en Fernando Torres og Romelu Lukaku byrja á bekknum.

Rafael, Nani, Ashley Young og Javier Hernandez eru allir meiddir og því ekki með Manchester United í kvöld. David Luiz er meiddur hjá Chelsea.

Chelsea hefur unnið tvo fyrstu leiki sína í deildinni og United vann sinn eina leik í deildinni til þessa. Þessi leikur gæti haft mikil áhrif á það hvernig framhaldið verður í baráttunni um enska meistaratitilinn. Leikurinn hefst klukkan 19 og er í beinni útsendingu á Stöð 2 Sport 2 & HD.

Byrjunarlið Manchester United: De Gea, Jones, Ferdinand, Vidic, Evra, Valencia, Cleverley, Carrick, Welbeck, Rooney, van Persie.

Varamenn: Anderson, Giggs, Smalling, Lindegaard, Young, Kagawa, Buttner.

Byrjunarlið Chelsea: Cech, Ivanovic, Cahill, Terry, Cole, Ramires, Lampard, De Bruyne, Oscar, Hazard, Schurrle.

Varamenn: Essien, Torres, Mikel, Lukaku, Schwarzer, Azpilicueta, Mata.