Foster frá í þrjá mánuði

WBA er í vandræðum því markvörðurinn Ben Foster er fótbrotinn og getur ekki spilað með liðinu næstu þrjá mánuði.

Foster meiddist í leiknum gegn Everton um síðustu helgi. Erfitt var að sjá í leiknum hvað nákvæmlega gerðist í leiknum en Foster haltraði af velli.

25 ára strákur, Luke Daniels, kom inn af bekknum í hans stað en hann hafði aldrei áður spilað með aðalliði félagsins. Hann stóð sig ágætlega í leiknum.

Daniels þarf að standa vaktina næstu mánuði og verður eflaust nóg að gera hjá honum í búrinu.