Manchester United og Liverpool drógust saman í deildabikarnum

Það verður sannkallaður stórleikur í 3. umferð enska deildabikarsins en dregið var eftir leikina í 2. umferðinni í kvöld. Ensku úrvalsdeildarliðin og erkifjendurnir í Manchester United og Liverpool drógust þá saman og mætast á Old Trafford í Manchester.

Það verða fjórir aðrir úrvalsdeildarslagir í 3. umferðinni því West Ham og Cardiff mætast á Upton Park, West Bromwich Albion og Arsenal mætast á The Hawthorns, Aston Villa og Tottenham mætast á Villa Park og Fulham og Everton mætast á Craven Cottage.

Leikirnir í 3. umferð enska deildabikarsins fara fram 24. og 25. september næstkomandi en þetta verður ekki fyrsti leikur Manchester United og Liverpool á tímabilinu því þau mætast í ensku úrvalsdeildinni um helgina.

Það er hægt að sjá hvaða lið drógust saman hér fyrir neðan.

Drátturinn í 3. umferð enska deildarbikarsins

Manchester United - Liverpool

Sunderland - Peterborough

West Ham - Cardiff

Hull City - Huddersfield Town

Leicester City - Derby County

Birmingham City - Swansea City

Fulham - Everton

Tranmere - Stoke

Watford - Norwich City

Aston Villa - Tottenham

Southampton - Bristol City

West Brom - Arsenal

Swindon - Chelsea

Manchester City - Wigan Athletic

Burnley - Nottingham Forest

Newcastle - Leeds