Getum vel varið titilinn með þennan hóp

Ryan Giggs, leikmaður Manchester United, er vongóður um að liðið nái að verja Englandsmeistaratitilinn á komandi tímabili þrátt fyrir að liðið hafið lítið náð að styrkja leikmannahópinn.

Liðið hefur reynt að fá Cesc Fabregas frá Barcelona undanfarnar vikur en án árangur. Marouane Fellaini, leikmaður Everton, hefur einnig verið í umræðunni og gæti hann gengið í raðir þeirra rauðklædda á næstu vikum.

„Við verðum bara að bíða og sjá hvernig næstu vikur þróast,“ sagði Giggs við enska fjölmiðla.

„Eins og staðan er í dag erum við gríðarlega áægðir með leikmannahópinn og getum vel gert góða hluti á næsta tímabili.“

„Við unnum deildinni með sama lið á síðustu leiktíð og af hverju ættum við ekki að geta það núna.“

Ryan Giggs verður fertugur í nóvember á þessu ári en hann fer út í komandi tímabil sem leikmaður og partur af þjálfarateymi liðsins.