Chamakh við það að ganga til liðs við Palace

Ian Holloway, knattspyrnustjóri Crystal Palace, er við það að klófesta Marouane Chamakh og ætlar stjórinn sér að koma leikmanninum á rétta braut á ný.

Chamakh gekk í raðir Arsenal fyrir þremur árum og hefur engan veginn fundið í liðinu en hann gerði aðeins 14 mörk á þeim tíma sem hann var hjá Lundúnarliðinu.

Leikmaðurinn var á láni hjá West-Ham United síðari hluta síðustu leiktíðar en Chamakh mun líklega gera eins árs samning við Crystal Palace sem leikur í ensku úrvalsdeildinni í vetur.

„Hann þarf að öðlast sjálfstraust á ný og koma sér í framhaldinu í gang,“ sagði Holloway í viðtali ytra.