Samuel Eto'o hefur áhuga á að leika fyrir Mourinho á ný

Knattspyrnumaðurinn Samuel Eto'o hefur gefið það í skyn að hann hefði jafnvel áhuga á að ganga í raðir Chelsea og hitta fyrir sinn gamla stjóra Jose Mourinho.

Mourinho mun einnig hafa áhuga á því að fá leikmanninn til félagsins en hann hefur verið á mála hjá rússneska félaginu Anzhi Makhachkala. Þess má geta að Samuel Eto'o er launahæsti leikmaður heimsins.

Fjárhagsstaða rússneska félagsins virðist ekki ekki vera eins og góð og í fyrstu var haldið og því gæti liðið þurft að losa sig við liðið.

Mourinho var knattspyrnustjóri Inter Milan á árunum 2008-2010 og var Eto´o þá leikmaður liðsins.

„Það er aðeins einn Jose Mourinho. Ég hef leikið undir stjórn margra knattspyrnustjóra á ferlinum en aldrei kynnst eins mögnuðum karakter og Jose,“ sagði Eto´o.

„Hann er án efa einn besti stjórinn í heiminum og við náðum ótrúlega vel saman hjá Inter Milan. Það væri heiður að fá að leika fyrir hann aftur.“